ویژه برنامه چیلله گئجه سی (۴)
11 بازدید
آژانس خبری تحلیلی نصر 468 دنبال کننده ️چیلله گئجه سی اؤلکه میز ایرانین باشاباشیندا، پاییزین آخیری و قیشین باشلانیشیندا توتولور، آما آذربایجانیمیزین طبیعی و جغرافی شرایطینه گؤره و قیش فصلی نین آغیر اولدوغونا گؤره، قیشین قارا قورخوسونو اورک لردن سیلمک و آغیر گونلره دو گلمک اوچون بو گئجه آذربایجان دا داها درین و آیینی معناسی وار. چیلله گئجه سی موناسبتینه گوره آذربایجان لی لار بویوک آتا و آنالارین حرمت الییب و بو گئجه نی اولارین ائولرین ده قوناق اولارلار. ️چوخ قدیم لردن بو گئجه بوتون قوهوم لار شام دان سونرا بؤیوک لرین ائوینه ییغیشیب و قدیم لر کورسو باشیندا اوتوروب، بیرلیکده گئجه نی سحر ائدرمیشلر و بو اوزون گئجه ده ناغیل لار دئیردیلر، خاطیره و تجربه لریندن تعریف ائدرمیشلر، گولملی سوزلر، بایاتی لار، آتا بابا سوزلری، تاپماجا، گول-گول کیمی اویون لار و فال آچارمیشلار و بئله لیغینان بو اوزون گئجه یه لذت وئررمیش لر . ️بو گئجه نین یئمک لری پشمک، لبلبی، پخله، قورو توت، گیردکان- بادام، قوورقا، سیمیشقا، ایده، نار، آسما اوزوم، آسما امرود، آلما، هئیوا، حالوا، نخود کیشمیش، کورسو آلتیندا گوودوش دا دوز ایچینده پیشن کبابی یئرآلما و.... ان اساس لی یئمک ده قارپیز اولاردی. قارپیزی مجلیسین آغ ساققالی خئیر نیت لر ایله کسردی و قیشین یونگول کئچمه سی اوچون دعا ائدردی... ویژه برنامه «چیلله گئجه سی»، کاری از آژانس خبری تحلیلی نصر گوینده: استاد علی اصغر وطن پرست